2012年02月24日
紅館開個唱唔止係年青人玩意，依家連老人家都啱玩。
晚晚 喺《結•分@謊程式》都見到已經年屆 80歲嘅胡楓，不單止中氣十足，仲鬼咁精靈。日前接受本刊訪問時，修哥（胡楓）不時以調皮聲線回應：「哈，我份驗身報告都不知幾靚，冇嘢超標 㗎！」食得、玩得、跳得嘅修哥， 4月將會孖住 13位契仔契女於紅館開 party。近日正忙為《結》劇埋尾的修哥，一有時間便會跑步練氣。要踢腿高過頭，修哥話：「冇難度！」
年初無綫為胡楓 80歲生日舉行一個大 party，大班契仔契女爭相出席，久未在無綫露面的張學友亦俾面現身，足見修哥人緣好多人錫。
踢腿
高難度動作唔係後生仔專利，修哥熱身後，突然使出一招猛力踢腿。姑勿論對腳係咪直，但修哥好輕易做到，完成後仲馬上要求睇相，佢話：「睇吓個姿勢靚唔靚，同埋對腳夠唔夠直先！」
跑步
咪睇修哥 80歲人，查實佢每日都要 瞓 8個鐘至夠，每朝佢都會做早操、扭腰、慢跑呢類帶氧運動，難怪 keep得咁 fit。
扭腰
紅磡隧道九龍入口旁的廣告板出名收費貴，不過修哥有 13個契仔契女夾錢賣廣告。據知個廣告會擺到開騷，上面更有契仔張學友同契女林憶蓮的個唱廣告傍住，好 warm啫！
餐餐食到飽
「我 啲契仔契女個個都好乖，全部都好有我心，除 咗之前 嚟過 tvb個騷之外， 4月個演唱會，個個都出錢出力，有 啲會同我一齊上台唱歌，有 啲就出錢，幫我買 咗二百張海報貼小巴，又幫我賣紅隧廣告 嚟祝我演唱會成功！到時除 咗佢 哋之外，我有兩個孫都會上台唱歌。」修哥邊講邊笑，幸福到出面！
不過演唱會又唱又跳三小時，修哥可有擔心體力唔夠？「點會唔夠氣 啫？我好鍾意行路，一有時間就行，有時又跑吓，熱天仲會去泳池游水。
早幾年我唔會食到十成飽 㗎，都係 7、 8成左右。不過近年喇，我每餐都食飽飽，最緊要少油少鹽，所以我身體一切良好，份健康報告不知幾靚，邊個話我唔夠氣呀？（要唔要忍口，有冇 嘢唔食得？）我又唔食零食 嘅，使咩忍口！」說罷修哥忽然偷笑，再低聲告訴記者：「不過都有一樣 嘢係忍唔到口，就係鵝肝醬喇！」修哥邊做訪問邊鯨吞面前的三文魚意粉，加上前菜沙律和餐湯，食量認真唔小。
三餐十成飽
修哥唔介意一邊做訪問，一邊開餐。佢食完一碟沙律，緊接餐湯，再將整盤三文魚意粉鯨吞。見個餐包唔食會浪費，最終都將餐包剷除埋。食得是福嘛！
眼明手快
記者懶醒問修哥平時出入坐的士抑或坐地鐵，修哥一句：「你以為我冇牌咩？唔識揸車咩？我只係三年要交一次醫生紙。」記者要求影一張修哥揸車相，修哥講笑：「唔得喎！咁樣賽車會打 嚟搵我，我咪好唔得閒！」
屋企狂練歌
勁過巨聲幫
年初無綫幫修哥搞咗個 80歲生日 party騷，當晚唔單止有契仔、契女撐場，修哥仲同後生幾輩嘅巨聲幫跳勁舞，精力認真充沛。
十年前，修哥曾在張耀榮的支持下開過 70歲的《楓 show人生演唱會》，剛於一月過了 80歲生日的他， 4月又舉行《胡楓 80巨星演唱會》。「耀榮舊年已經搵我傾，咁我又無所謂 嘅，咪玩吓開心吓囉！依家呢個日子幾好 吖， 啱 啱拍埋《結•分@謊程式》，就有一個星期俾我準備。（開始緊張未？）唔會緊張！只要做好準備，就一定唔會緊張。依家我成日都唱歌，未埋位又唱， 喺屋企又唱，不過我一唱太太就走入房睇電視，哈哈！」說畢修哥即在餐廳哼起幾句〈往事只能回味〉，侍應阿姐在旁聽到如痴如醉。
離開餐廳，修哥一馬當先，其間遇上餐車推出來，他即時轉身閃開，清脆利落，不能相信眼前人是一位年屆 80歲的長者。修哥養生之道，不外乎是活得開心。「行多啲對身體有益，我喺屋企都係行來行去嘅！
我好鍾意返電視台、鍾意開工，行出行入都有人同你打招呼，講吓笑咁，呢啲係用錢都買唔到嘅歡樂。」記者亦親身體驗，與修哥在電視城內短短 5分鐘的訪問時間，已有不止十人「修哥前、修哥後」，侍應阿姐則較喜歡稱修哥做「修修」！
今次修哥演唱會有咁多契仔契女巨星撐場，除 咗吸引老一輩 fans入場，仲可以吸引埋年青 fans㖭！
巨星撐硬契爺
4月 3號舉行 嘅《胡楓 80巨星演唱會》騷如其名，修哥請晒佢班契仔契女一齊玩，歌神張學友、影帝張家輝同金句王黎明都有份。修哥仲話請 咗佢一直好欣賞 嘅林子祥一齊唱歌。
黎明
修哥笑言有時都聽唔明黎明講 嘅金句，雖然溝通有阻礙，但黎明一口已應承會捧契爺場。
張學友
學友 5月都會喺紅館開個唱，身為修哥契仔又點敢唔出現，他已答應與契爺一齊唱情歌 㖭！
張家輝
一提起張家輝，修哥就讚不絕口，皆因家輝唔單止係第一個打俾修哥話要去撐佢，仲喺電話度講到興致勃勃話要揀咩歌合唱，得修哥好開心。
林憶蓮
林憶蓮 3月開完演唱會， 4月再為修哥踏紅館台板，修哥表示想與憶蓮跳番 part舞。
劉美君
02年修哥的紅館騷，契女劉美君有到場支持。修哥話今年劉美君本來要去旅行，但最後佢將旅行延期，再同契爺合唱。
***
84歲胡楓談養生之道 每日步行一兩小時
2016年06月29日
胡楓是圈中數一數二的長青藝人，腰板挺直一點也不像84歲。新劇《一屋老友記》中，這位小生飾演「淘氣鬼」，一如他本人，鬼馬又慈愛。修哥生活安穩，兒孫成群，但他仍起勁工作，到底為甚麼？
不斷工作令自己覺得更有衝勁，覺得個人還有用處。
胡楓在《一屋老友記》飾演「淘氣鬼」，他說能和後輩合作，自覺更年輕。
縱使不是劇接劇的拍過不停，大台無論實況旅遊節目、遊戲節目嘉賓、節目宣傳巡禮等，都總有修哥的份兒，工作量不少。播映中的《一屋老友記》，他和羅蘭姐合演老夫妻，點化歐陽震華珍惜和家人的關係。
步行哼歌心情開朗
拍劇雖然要付出體力，但要記對白，而且接觸人多，可令人頭腦靈活。同後輩一齊工作，自己都覺得後生了。而且公司對長者比較遷就，不會要求我連續開工十幾個鐘。總之，有人搵我工作我好開心，不會推的。
胡楓四代同堂，兩個可愛曾孫總為他帶來歡樂。
年過80仍然精神奕奕，兼且愈忙愈開心，問修哥養生秘訣，他展露招牌笑容︰
全世界都知我鍾意行路，日日都行，還有做柔軟體操。一日行至少一兩個鐘，有時一路行一路哼歌郁下手郁下腳。在家時，我會行來行去；在電視城，未到我埋位，我就在廠行來行去，都不知幾舒展。
但長者常有的晨運習慣，修哥倒是沒有。
因為多年來拍戲，好難有早起習慣。我也無習慣飲早茶， 除非約了人有應酬，我多數在家食飯。
食清D，紅白肉食少D
談到飲食，修哥的喜好相當簡單。
我食得好清淡，通常食一碟瓜、一碟菜，或者蒸雞、蒸瘦肉。主要是少油少糖少鹽。同家人出外食飯，我都會食得節制；在公司，我就會在餐廳食沙律。我無論食自助餐抑或打邊爐，主要係食菜。紅肉白肉都會食，只是分量減少一點。
每朝起身飲一杯暖開水
他另一個飲食習慣，就是每朝起身都會飲一杯暖開水清腸胃，湯水當然唔少得。
我飲清潤湯水，好似節瓜瘦肉湯、西洋菜陳腎湯、蓮藕湯，一年四季都係，無咩點飲補湯。這是我太太的主意，她認為飲日常滋潤湯就夠。
他已戒煙多年，近年有朋友說飲紅酒對身體好，他也會飯後淺嘗。
修哥自言沒有外遊癮，但也享受和四哥謝賢、Joe Junior出外拍旅遊節目。
夫妻關係互相尊重
修哥這兩年都有跟四哥謝賢、Joe Junior旅行拍外景，他說太太倒沒有掛心。提到老伴，他大讚「無得彈」︰
她不講『俄文』，從來不會『哦』我。不會因為我工作太忙無時間陪她而有怨言，這方面我非常幸運。
那麼修哥和太太多結伴出遊嗎？
我們一齊旅行都好少，她都知道我對旅行興趣不大，《小生去旅行》系列其實是為工作而去，但我都好enjoy的。
粵語片年代拍過不少歌舞片而有「舞王修」之稱，還以為太太是他的最佳舞伴，他卻搖頭說︰
我太太係一個好文靜好內向的人，同我相反。雖然個性有好大分別，但我們都好錫對方，互相尊重，相處左60幾年了。
笑容常掛，修哥快樂之道其實很簡單。
契女蔡敏思說契爺修哥不時會到老人院探訪，為老友記帶來歡笑。
我是個很無所謂的人，每件事也不太介懷。其實，有健康就有快樂。
有健康始能工作，而工作又換來滿足感，愜意人生莫過於此。
http://topick.hket.com/article/
***
胡楓（修哥）性格樂觀，經常笑臉迎人。年屆八十多歲，「步行」是他的養生之道，時常步行，拍戲等埋位時都會在片廠周圍不斷步行，最高紀錄一天共行十六小時。
http://app4.rthk.hk/special/familyyear20/radio.php?eid=107
修哥兒孫滿堂，育有五名子女，六名內外孫及一位僧孫。子女年幼時，修哥因工作忙碌，日以繼夜拍戲，教導子女之重責都交託於太太身上，自己則一有假期便帶子女郊遊。現在，子女分別在英國丶加拿大及香港居住，一家人難得共聚一堂，平日修哥會以電腦上網跟子孫聯繫，只要見到孫兒，便已經感覺甜入心。修哥太太是他的初戀情人，五十年婚姻恩愛如昔，夫婦相處之道是「平淡是福」。
胡楓從事演藝工作六十一年，入行首部電影便已擔綱男主角，更憑該片紅極一時。雖置身娛樂圈中，從不爭名逐利，朋友都認為他「蝕底」了很多，但修哥只一笑置之。由於對人無機心，在圈中交了很多好朋友，知己亦有三幾個，可謂無憾。除知己好友外，修哥共收了十三個契仔契女，對於自己已有五子女，為何與人上契，修哥的解釋是「緣份」。仔女錫，契仔契女又錫，修哥感到人生很滿足！
***
美麗人生 —— 胡楓：太舒服對身體不好
2012年11月01日
從影60年的藝壇長春樹胡楓（修哥），今年以80歲高齡在紅館開演唱會，打破了自己創下的健力士紀錄，連TVB亦為他開祝壽party。
笑稱自己是「四十對」的修哥，看起來只像六十歲出頭，健步如飛，頭髮從未染過，卻依然烏亮濃密，令人羨慕。而他的養生之道卻出奇的簡單，總而言之是本着「太舒服對身體不好」為保健原理。
修哥推崇運動，堅信人做運動就會健康。他從未學習過氣功、太極，只是年輕時親眼目睹一個重病的人純粹每天多走路，兩個月後便告康復。
自此胡楓持之以恒每日快步走路、扭腰、活動手腳數小時，「健康不是白來的」，修哥說。
他自律性極強，只於吃飯時間會坐下，連看電視亦站着，除了快步走，每天也會在家裏緩步跑一句鐘，把握每分每秒活動身體至疲憊狀態，以便入睡。
在飲食方面，修哥也秉持簡單養生原則。他說40歲以後每頓飯只吃八成飽，如今由於早上遲起牀，每日只吃午餐和晚餐，每餐一碟菜、一碟瓜、素湯及少許肉，謝絕煎炸食品。他覺得過份進補對健康反而未必好，所以從不喝滋補燉品。
此外，維持開朗心境也是修哥保持健康的「秘訣」。
他說人生不如意事十之八九，故只會記取生活最好的一面。
豁達開朗的修哥人緣極佳，兒孫滿堂，他有三女兩子和六個孫，還有包括張學友、黎明、草蜢在內的十三個契仔契女。
而他也是長情之人，一生最遺憾是「子欲養而親不在」，未能好好陪伴早年過世的母親，提及此事，不禁流下男兒淚。
修哥與太太非常恩愛，盛讚太座從不囉嗦，對他十分信任，即使他幾日幾夜不回家也不會投訴，修哥相當珍惜這段五十多年的夫妻情，雖然生性好動，卻盡量在家中做運動，以陪伴生性好靜、不願下樓的太太，因大家年紀不小了，時日不多，所以爭取多見面。
香港電台節目主持劉羽葳
***
//大修哥胡楓七十六歲了，精神卻比年青人還好，皮光肉滑，紅光滿面，玩得癲得，吃一頓飯，談笑風生，扮鬼扮馬，如是個後生，就要用「調皮」來形容了。
我們都問他怎麼幾十年下來，還可以保持這般活力？
他說，我走路。
我說誰不走路，但能走出你這個樣子？
他說，我的走路跟別人不一樣，我是有事走路，無事也走路，遠的路走，近的路也走，幾十年走下來，才是真正的養生之道。
修哥說他二十一歲那年，碰到一個人，厭厭欲絕，病入膏肓，以為不久人世了。
不料一年後又見到，似乎換了一個人，神清氣朗，精神奕奕，病容盡去。於是問他吃了什麼仙丹？
那人回答，什麼丹都沒吃，只靠天天不斷走路，不急不跑，只是走，結果走回一條命來。
修哥從此學步，只要有空，就不給自己閒着，出門辦事走路，出門無事散步，中國人說「飯後三百步」是養生之道，他吃完飯，放下飯碗就走，也不一定走出門去，而是在家中客廳，團團圍走，像個多動症的小孩，一刻不停。走了幾十年，皮光肉滑，紅光滿面。//
李純恩
2008年12月30日
http://hk.apple.nextmedia.com/supplement/columnist/art/20081230/12028022
***
//談及修哥的養生之道。眾所周知，他是健康老人的代表，年屆83，但依然健步如飛，他表示秘訣是要經常行路。
今次修哥的新抱也有同行，她形容當年第一次見修哥，見他圍着大廳不停行，也感到很好奇。
修哥形容年輕時已知道多行路有益身體，他認為人要為自己的身體負責，年老生病時，即使身邊有很多人照顧，但病痛始終是要自己承受，所以要學識對自己好，不用麻煩別人之餘，自己也舒服。//
http://skypost.ulifestyle.com.hk/column/
***
楓語同路
走進佛道思想的輪迴國度，每個人想投胎人間，都必須來到天庭的海關口岸，出示過去一生的功過成績表，由關員審批。
如果你一生行善積德，恭喜你，下一世將可以兒孫滿堂、福有攸歸，享盡榮華富貴。
「Next！」木無表情的關員，呼喚下一位已輪候了一百年的紋身漢上前，只見紋身漢呈上劃花晒的生命檔案，厚過電話簿，他額角滴着汗，抖顫地等候裁決。「你一生姦淫擄掠無惡不作，判你投胎做豬乸，然後再轉世做牛同做馬，三世不得做人。」
水蛇春長的投胎人龍，魚貫地塞爆各大醫院產房，排隊轉世為人。臨進入人間樂土時，天庭關員會在每個人的背上，蓋下寫有一個數字的隱形水印。
這個數字，將代表我們留在人間的壽命。只是，我們永遠都看不到這個無形的數字，只得被時間老人不斷推着向前跑，跑呀跑，跌呀跌，不斷犯錯，不斷改過，不斷蹉跎，不斷奔波。
今天所作，來世承受。如何看待這一生的每分每秒，將直接影響輪迴後的新生命軌迹。有人說，一個人之所以長壽，是因為前世種下的福，和今生結下的善緣。從胡楓身上，我便找到這個閃爍生命的哲理。
本周三（一月十八日）是胡楓八十大壽，他天性樂觀，隨手撿拾生活微塵，都帶幽默。早前張家輝致電稱讚他在電影中的精湛演技，誰知他即回敬：「之前你疏通咗咁多人，先至做到多料影帝，嗱！今年要輪到我攞嘞！」
笑容背後，還有可敬的待人態度。
十一年前，我撰寫第二本個人散文集時，走訪一百個人，採訪他們生命中的遺憾故事。我致電胡楓道出由來，他沉思了半刻，用踏實的語氣告訴我：「你可唔可以畀兩晚時間我，我好想認真去思索吓自己有咩遺憾，唔想求其答你，兩晚後我會打番電話答你。」
收線後我早已打定輸數，以為這是推搪的藉口，誰知兩晚後胡楓果然守承諾回電，並道出他遺憾未能珍惜相處時光，多陪媽媽打麻雀的母子情故事。
一個好人，即使被風雨洗盡鉛華，依然會散發優雅的芳香。兩星期前本刊同事致電胡楓邀約專訪，他正忙於壽宴和拍處境劇，他回覆一有檔期便會答允訪問，同事自然不敢厚望。過了兩星期的排山倒海工作，胡楓親自來電致歉，並在百忙中抽出半天接受專訪。
上天讓一個人長壽，除了因為他積德積福，還有他的一言一行，像春風化雨，每分每秒滋潤人間。
黃庭桄
2012年01月17日
***
楓修八十載 胡楓
修哥胡楓自言一生人都極為幸運。
既有美滿的家庭，廿歲入行到現在，事業一直順風順水，無甚麼大風大浪，更難得的是身體健康，現在仍然日日自己揸車返電視城開工，拍劇拍到凌晨兩、三點，都一樣精神奕奕、龍精虎猛。
「我續車牌攞醫生紙時，連個醫生都話我仲精神過佢。」修哥笑說。
一月十八日，就是修哥的八十大壽正日，事前既有家人朋友為他舉行的驚喜百人大派對，又有無綫特別為他拍的賀壽節目。
與初戀情人太太相伴五十多年，三女兩子六個孫，再加十三個契仔契女，兒孫滿堂樂也融融。楓修八十年，人生如此，夫復何求？
學修哥話齋：「做人做到我咁，都真係冇乜要求囉！」
貪心的願望
本名胡繼修的修哥，取「楓」字為藝名是因為楓樹一年四季都是紅色，希望可以在娛樂圈「長紅」所以叫胡楓。二十歲入行，是當年人工最高的粵語片新人，後來就是當紅小生，主演的電影名單長到我唔識數，記得小學讀下晝班的我，當年每天中午上學前都必定要看粵語長片撈飯，修哥就是其中一個每個星期至少睇三次的男主角。
只不過修哥話：「陳年舊事講過十九幾萬次啦！你今次訪問唔好又再講以前啦，好悶呀！」
舊事不談，既然是修哥八十大壽，當然要問有甚麼生日願望。「好簡單，但亦都好貪心，就係要身體健康，工作順利、家人、契仔契女同所有好朋友都可以開心過日子。」
修哥說自己這些年來得到的已經很多，到八十歲了，除了這些簡單的願望外，已經別無所求。
「我真係冇乜想要，好似學友首歌咁唱『已經足夠』，有甚麼冇甚麼，真係唔緊要喇！不過最開心就係，我今年八十歲人，仲個個都叫我阿哥，不知幾開心呀，你千祈咪叫我胡楓叔呀，call me修哥！」
修哥80大壽，TVB特備節目《人生80勁楓Show》為修哥慶祝，行政主席梁乃鵬亦有出席。
養生之道
人生七十古來稀，問八十歲的修哥有何長壽和健康秘訣，修哥說得簡單，但要真的做到卻又有幾人？
「說來簡單，我當工作係一種享受，享受每一天自然就心境舒暢啦！其次就係每日緩步跑，我仲會玩划艇機添！我幾十年來做人都咁開心，唔開心事梗有，但係我一下子就會唔記得，我個人亦唔記仇，當然間唔中都會諗起，好似話當年阿邊個搵過我笨喎！阿邊個借咗我架車去冇咗影喎！我會記得，但唔係記仇，事關我人生開心事多到數唔晒，邊有咁多位置去記仇。」
修哥每個星期都會去gym做運動，近年更keep住做facial，保持標準身形及靚靚皮膚，登台都醒神些。
胡楓、曹達華，粵語片兩位當然男主角。
工作是享受
修哥在訪問一開始時就說，自己是一個沒有甚麼新聞價值的人，原因或許就是他從來都是一個心存善念的老人家，對身邊所有人都關懷備至，更兼自來與八卦新聞近乎絕緣。只是修哥一直以來，都沒有離開過幕前，在別人早已退休的年紀，我們卻仍然每天可以在電視中見到他。
「工作是一種享受，我會一直做到冇得做為止。雖然年紀大喇，但我冇話幾點一定要收工，就算真係安排到，我自己都唔好意思啦！不過好多人都對我好好，夜收第二朝就一定唔會話早開，畀我休息。就算拍TVB劇集要做到凌晨兩、三點都冇所謂，習慣啦！」
年輕的修哥外形俊朗，身形高挑，絕對係迷死萬千少女，赤膊上陣與鄧碧雲做對手戲。
七十年代初便加入TVB，一直也沒有想過離開。「做生不如做熟，雖然出面可能會人工高少少，但TVB做咗廿幾年，一直都好開心，台前幕後個個都好好，我八十歲啦！仲求出面畀多少少錢咩！」修哥說。
龍年最新大計，是四月初的八十大壽演唱會，修哥一有空就會用來度橋和對白，準備在演唱會上談談情跳跳舞，到時所有契仔契女都會到齊，即是林憶蓮、劉美君、斑斑、張學友、黎明全部喺齊度。「舞王修」的超級舞技和經典金曲當然不會少。「會來睇我的都係上點年紀的人，不過我一生人都係咁鍾意玩，唱歌亦係我最有心機做的一件事，包大家到時有驚喜。」
與芳艷芬合作的《馬票女郎》，講真我真係記得小學時食住飯睇過。
70年代兩大巨星李小龍和胡楓合照。
修哥的幸福
就算修哥不說，我也肯定修哥的人生確實很幸福。
就如TVB其實就對修哥特別好，試問有幾多位前輩演員，會在八十大壽有一個賀壽騷？那些甚麼一年一個騷、合約到期冇人理等事件，都不可能發生在修哥身上。
「我一年幾十個騷，年年都爆。合約講明唔可以透露人工，不過OK啦！冇話滿意唔滿意，畀廿萬一個月就想有五十萬，到有五十萬又想有八十萬o架啦！」
名利看得開，愛情卻捉緊手裏。可以和初戀情人相守到老，又是無幾多人有的幸福。「我太太係一個極度低調的人，結婚五十二年，其實冇乜人見過佢，總之乜都唔好牽涉到佢就得。」
兒孫滿堂，個個有自己的事業，從來冇話要靠父蔭。「仔女兒孫都冇做娛樂圈，我成日話做娛樂圈紅的話就會好辛苦，我自己做咗咁多年，有時自己都肉赤自己點解做得咁辛苦。若果唔紅就仲無謂，所以佢哋唔做娛樂圈我不知幾開心。」
孫仔孫女長大成人，對修哥又是孝順得很。修哥的電話鈴聲，就是孫仔和孫女錄的一段「爺爺快啲聽電話……」「十多年前錄的，就算換電話都一直保持用這個鈴聲。」
現在，最細的孫都已經讀緊中學。
「大個晒啦！不過鈴聲我會用到永遠。」修哥慈祥地說。
開心自在活
至於契仔契女們，更是粒粒巨星，就算不是娛樂圈中人，亦非等閒之輩。今次訪問場地是一間男士健身美容中心，老闆便是修哥其中一位契女。另一契女方國珊是將軍澳區議員，剛剛就請了修哥去拍宣傳環保的短片。
只不過修哥話自己八十大壽最開心的，就是全香港人一齊同佢慶祝。
「行到去邊都有人同我講生日快樂，你唔會明白我其實有幾開心！等你年紀大啲啦！其實表面上好似冇乜特別，不過嗰種開心，到你有機會試就知喇！威仔。」修哥說。
不過，修哥說到母親時，卻講到眼泛淚光。
方國珊、黎明、張學友都是修哥契仔契女，修哥更特別提醒我，斑斑都係佢契女，叫我記得一定要寫。
「人生八十冇話冇一點憾事，最讓我記掛的，是我媽媽在生時，總覺得自己冇做到最好咁去孝順佢，後生時掛住做嘢，冇乜時間陪佢打吓牌飲吓茶，忽略了很多相處時光，呢幾十年都係呢件事最遺憾。所以勸後生仔，父母在生時，就要好好孝順。」
人生最大憾事，往往是成日問自己點解當年冇做得更好。
「一千個假如、一千個應該，我依家午夜夢迴，都成日諗起佢，好想見得番媽媽。」
修哥另一件常常想起的，是錯失了與黃霑，這位好朋友的合作機會。
「佢仲喺度時問過我，修哥不如一齊出本書啦！我當時怕麻煩就話唔好搞啦！點知就係咁錯過咗呢個合作機會，亦都再冇下次了。」
生老病死，對修哥來說，是「自然定律必然發生的事，只要每天活得開開心心，我從來都不去想。」
可以的話，修哥更笑說準備定搞百歲生日宴兼演唱會。
「威仔，你到時一定要來睇呀！」修哥，收到了！一定到。
修哥與霑叔雖然年代不盡相同，卻是好朋友，只差沒有合作一起出本書。
前輩風範
兩星期前致電修哥相約做訪問，當時修哥坦言正在拍攝《結．分謊情式》，忙得不可開交，承諾一有時間就會回覆。
一等兩個多星期全無音訊，心想修哥也許真的太忙，又或是只想靜靜地過大壽吧，我亦不敢緊追。
就在我已準備放棄之際的某個深夜十一點半，修哥竟然在收工後致電。
「唔好意思，其實我真係忙到唔記得咗，睇番你個短訊我至突然間醒起（係，我係有傳短訊提修哥的），好似仲未覆你喎！」隨即約定時間見面。
作為娛樂記者，我不知試過多少次，等明星覆電話等到天長地久，此恨綿綿最後只想收佢皮，可想而知當我收到修哥電話時，是多麼的驚喜。
前輩風範就是如此，應承了就一定覆，修哥甚至承認是自己忘記了，你說，怎麼可能不叫我們這些後輩心悅誠服。
在此再一次恭祝修哥八十大壽、事事稱心滿意。百歲宴見！
修哥極度玩得亦是極度花得，問到他是否與娥姐不和，修哥竟然即時做出苦思狀，我仲以為唔通真係好大仇口，點知修哥一抬頭就話：「梗係冇啦，我一世人都冇同任何人不和，傳聞都係雜誌講，你哋都係搵食，understand嘅！哈哈哈！」
***
沒有留言:
張貼留言